தமிழக காங்கிரஸ் கமிட்டி தலைவராக செல்வப்பெருந்தகை நியமனம்!

தமிழக காங்கிரஸ் கமிட்டி தலைவராக கே.எஸ். அழகிரி இருந்து வந்தார். இந்த நிலையில் தற்போது எம்.எல்.ஏ.-வாக இருக்கும் செல்வப்பெருந்தகை தமிழக காங்கிரஸ் கமிட்டி தலைவராக நியமனம் செய்யப்பட்டுள்ளார்.

சட்டப்பேரவை காங்கிரஸ் குழு தலைவராக செல்வப்பெருந்ததை இருந்து வந்த நிலையில், அந்த பதவிக்கு ராஜேஷ் குமார் நியமிக்கப்பட்டுள்ளார்.

பாராளுமன்ற மக்களவை தேர்தலுக்கு இன்னும் சில மாதங்களே இருக்கும் நிலையில் இந்த மாற்றத்தை காங்கிரஸ் தலைமை செய்துள்ளது.

ஏற்கனவே இருந்த காங்கிரஸ் தலைவர் கே.எஸ். அழகிரியின் பங்களிப்பை வெகுவாக பாராட்டுவதாக தெரிவித்துள்ளது.