ஒற்றை காதில் ‘பேண்டேஜ்’ :அமெரிக்காவில் புது கலாசாரம்!

அமெரிக்காவில் டிரம்ப் ஆதரவார்கள் மத்தியில் புதிய கலாசாரம் உருவெடுத்துள்ளது. ஒற்றைக்காதில் ‘பேண்டேஜ்’ போட்டுக் கொண்டு நகருக்குள் உலா வரத் தொடங்கியுள்ளனர்.

அமெரிக்காவில் விரைவில் ஜனாதிபதி தேர்தல் நடைபெற உள்ள நிலையில் குடியரசுக் கட்சி சார்பில் முன்னால் ஜனாதிபதி டொனல்ட் டிரம்ப் வேட்பாளராக களமிறங்கியுள்ளார். இந்நிலையில் பென்சில்வேனியா மாகாணத்தில் நடந்த பிரச்சாரத்தில் பேசிக்கொண்டிருந்த டிரம்ப் மீது துப்பாக்கிசூடு நடத்தப்பட்டது . குண்டு அவரது வலது காதின் மேற்பகுதியை உரசிச் சென்றது.
இதனால் ட்ரம்ப் ஒரு காதில் பேண்டேஜ் உடன் பிரசார மேடைகளில் தோன்றுகிறார். இந்நிலையில் அவரது ஆதரவாளர்களும் காதில் பேண்டேஜ் உடன் வலம்வர ஆரம்பித்திருக்கின்றனர்.