முட்டை விலை மீண்டும் அதிகரிப்பு!

கடந்த சில வாரங்களுக்கு முன்னர் முட்டை ஒன்றின் விலை 40 ரூபாவாக குறைக்கப்பட்ட போதிலும், மீண்டும் ஒரு முட்டையின் விலை 58 ரூபாவாக உயர்த்தப்பட்டுள்ளது.

ஒரு முட்டையை மொத்த விலையில் ரூ.60க்கு வாங்குவதாக பேக்கரி உரிமையாளர்கள் கூறுகின்றனர். கோழிப்பண்ணை உரிமையாளர்கள் முட்டை விலையை உயர்த்தியதாக முட்டை வியாபாரிகள் கூறுகின்றனர்.

குளிர்பதன கிடங்குகளில் முட்டைகளை சேமித்து வைத்திருந்த இடைத்தரகர்கள் குழுவொன்று இவ்வாறு முட்டை விலையை அதிகரித்துள்ளதாக தெரிவிக்கப்படுகின்றது. வேகமாக அதிகரித்து வரும் முட்டை விலையை கட்டுப்படுத்த எதிர்காலத்தில் சில நடவடிக்கை எடுக்க வேண்டும் என்று விவசாய மற்றும் பெருந்தோட்ட கைத்தொழில் அமைச்சர் மஹிந்த அமரவீர தெரிவித்துள்ளார்.