விமான தாக்குதலில் ஹமாஸ் அமைப்பின் துணைத்தலைவர் பலி!
ஹமாஸ் அமைப்பின் துணைத் தலைவர் சலே அல்-அரூரி, லெபனானின் பெய்ரூட்டின் தெற்கு புறநகர் பகுதியில் இஸ்ரேலிய ஆளில்லா விமானம் நடத்தியதாகக் கூறப்படும் தாக்குதலில் குறைந்தது ஐந்து பேருடன் கொல்லப்பட்டதாக ஹமாஸ் அமைப்பு செவ்வாய்க்கிழமை மாலை உறுதிப்படுத்தியது.
லெபனான் அரசு நடத்தும் தேசிய செய்தி நிறுவனம், இந்த குண்டுவெடிப்பில் நான்கு பேர் கொல்லப்பட்டதாகவும், லெபனான் தலைநகரின் தெற்கு புறநகர்ப் பகுதியில் வெடிப்பு ஏற்பட்டதை அடுத்து இஸ்ரேலிய ஆளில்லா விமானம் ஒன்று வெடித்து சிதறியதாகவும் தகவல் தெரிவித்துள்ளது.
இரண்டு ஆளில்லா விமானங்கள் மூலம் இந்த தாக்குதல் நடத்தப்பட்டதாக லெபனான் ஊடகங்கள் தெரிவித்துள்ளன.
தாக்குதலுக்கு பிறகு, இஸ்ரேலிய போர் விமானங்கள் பெய்ரூட் மற்றும் கால்டே மற்றும் லெபனான் முழுவதிலும் உள்ள மற்ற பகுதிகளிலும் காணப்பட்டன.
ஹமாஸின் அல்-கஸ்ஸாம் படையணியின் இரண்டு தளபதிகளான அஸ்ஸாம் அல்-அக்ரா மற்றும் சமீர் ஃபெண்டி ஆகியோர் இந்த தாக்குதலில் கொல்லப்பட்டனர்.
