‘மூன்றாம் உலகப் போர்’ நெருங்கி வருகிறது: ரஷ்யா – உக்ரைன் எல்லையில் உச்சகட்ட பதற்றம்

மேற்கு நாடுகளின் உதவியுடன் உக்ரைன் ரஷ்ய எல்லைகளில் ஊடுருவியுள்ளதாக குற்றச்சாட்டுகளை முன்வைத்துள்ள ரஷ்ய நாடாளுமன்ற உறுப்பினர் மிகைல் ஷெரெமெட் (Mikhail Sheremet), “உலகம் மூன்றாம் உலகப் போரின் விளிம்பில் உள்ளது“ என அச்சுறுத்தல் விடுத்துள்ளார்.

ரஷ்ய-உக்ரைன் எல்லையில் அதிகரித்து வரும் போர் தாக்குதல்களின் பின்னணியில், மிகைல் ஷெரெமெட் இந்த தகவலை வெளியிட்டுள்ளார்.

ரஷ்யாவின் பாதுகாப்புக் குழுவில் உறுப்பினராக உள்ள ஷெரெமெட், மேற்கத்திய இராணுவ உபகரணங்களின் ஈடுபாடு மற்றும் ரஷ்ய மண்ணின் மீதான தாக்குதலில் மேற்கத்திய பங்கேற்பு ஆகியவை உலகளாவிய மோதலுக்கு வழிவகுக்கும் ஒரு மோசமான காரணியாகும்.

வட கொரிய தலைவர் கிம் ஜாங் உன் நேற்று வெள்ளிக்கிழமை வெளியிட்ட அறிவிப்பில் ரஷ்யாவுடன் ஒத்துழைப்பை ஆழப்படுத்துவதற்கான உறுதிமொழியை மீண்டும் வட கொரியா உறுதிப்படுத்துவதாக கூறினார். அத்துடன், மாஸ்கோ அதன் “அமைதி மற்றும் நீதிக்கான புனிதப் போரில்” வெற்றிபெறும் என்று நம்பிக்கை தெரிவித்துள்ளார்.

“மேற்கத்திய இராணுவ உபகரணங்களின் இருப்பு, சிவிலியர்கள் மீதான தாக்குதல்களில் மேற்கத்திய வெடிப் பொருட்கள் மற்றும் ஏவுகணைகளின் பயன்பாடு மற்றும் ரஷ்யாவின் எல்லை பிரதேசத்தின் மீதான தாக்குதலில் மேற்கத்திய பங்கேற்புக்கான மறுக்க முடியாத ஆதாரம் ஆகியவற்றைக் கருத்தில் கொண்டு, உலகம் மூன்றாம் உலகப் போரியின் விளிம்பில் உள்ளது என்ற முடிவுக்கு வரலாம் என்றும் மைக்கேல் ஷெரெமெட் கூறியதாக ரெய்ட்டர்ஸ் இந்துஸ்தான் டைம்ஸ் கூறுகிறது.

ஆகஸ்ட் 6 ஆம் திகதி முதல் உக்ரேனிய ஊடுருவல் ரஷ்யாவில் தொடங்கப்பட்டுள்ளதாகவும் இதனால் ரஷ்யா உக்ரேன் மீது கடுமையான தாக்குதலுக்கு தயாராகி வருவதாகவும் சர்வதேச செய்திகள் வெளியாகி வருகின்றன.

உக்ரேனுக்கு அமெரிக்கா தலைமையிலான மேற்கத்திய நாடுகள் உதவுவதாக நேட்டோ மற்றும் மேற்கத்திய புலனாய்வு அமைப்புகள் மீது ரஷ்யா குற்றம் சாட்டியுள்ளது.

நிலைமையின் தீவிரத் தன்மை குறித்து ஜனாதிபதி விளாடிமிர் புடினின் நெருங்கிய உதவியாளரான நிகோலாய் பட்ருஷேவ் கூறுகையில், நேட்டோ மற்றும் மேற்கத்திய புலனாய்வு அமைப்புக்கள் ஊடுருவலைத் குற்றம் சாட்டினார்.

இந்தக் கூற்றுக்களை உறுதிப்படுத்துவதற்கு உறுதியான ஆதாரங்கள் எதுவும் வழங்கப்படவில்லை என சர்வதேச ஊடகங்கள் தெரிவிக்கின்றன.

இந்த ஊடுருவல் இரண்டாம் உலகப் போருக்குப் பிறகு ரஷ்யப் பகுதியின் மீதான மிகப்பெரிய வெளிநாட்டுத் தாக்குதலைப் பிரதிபலிக்கிறது.

உக்ரேனியப் படைகள் 1,150 சதுர கிலோமீட்டர் மற்றும் 82 குடியிருப்புகள், மூலோபாய நகரமான சுட்ஷா உட்பட, கட்டுப்பாட்டைக் கைப்பற்றியுள்ளதாக செய்திகள் வெளியாகியுள்ளன.