அமெரிக்காவின் அடுத்த ஜனாதிபதி டிரம்ப்! பிரபல ஜோதிடர் சொல்கிறார்!
அமெரிக்காவின் பிரபல ஜோதிடரான எமி ட்ரிப் என்பவர், அமெரிக்காவின் அடுத்த ஜனாதிபதியாக டிரம்ப் தேர்ந்தெடுக்கப்பட உள்ளார் என தெரிவித்துள்ளார்.
அமெரிக்க ஜனாதிபதி பதவிக்கான தேர்தல், நவ., 5ல் நடக்க உள்ளது. இதில், குடியரசு கட்சி சார்பில் முன்னாள் ஜனாதிபதி டொனால்டு டிரம்ப் (வயது 78) போட்டியிடுவது உறுதியாகி உள்ளது. துணை ஜனாதிபதி கமலா ஹாரிஸ் 59, ஜனநாயக கட்சி சார்பில் வேட்பாளராக களமிறங்க உள்ளார்.
அடுத்த ஜனாதிபதி…!
இந்நிலையில், அமெரிக்காவின் பிரபல ஜோதிடரான எமி ட்ரிப் என்பவர் அமெரிக்காவின் அடுத்த ஜனாதிபதியாக டிரம்ப் தேர்ந்தெடுக்கப்படுவார் அமெரிக்க அரசியலில் ஆகஸ்ட் மாதத்தில் வன்முறை ஏற்படும் என கணித்து உள்ளதாக ஆங்கில செய்தி நிறுவனம் தெரிவித்துள்ளது.
கடந்த 2020ல் கணித்தது…!
ஜோ பைடனுக்கு உடல்நலத்தில் பாதிப்பு ஏற்படும். அதுமட்டுமின்றி, கமலா ஹாரிஸ் தான் ஜனாதிபதி தேர்தலில் போட்டியிடுவார் என கடந்த 2020ம் ஆண்டில் ஜோதிடர் எமி ட்ரிப் கூறியிருந்தார்.
