காசா குழந்தைகளுக்கு நிதி – ஆனால் முள்ளிவாய்க்கால் குழந்தைகளுக்கு?; காணாமல் ஆக்கப்பட்ட உறவினர்கள் ரணிலிடம் கேள்வி

இறுதிப் போரின் போது இலங்கை அரசாங்கத்தின் இராணுவத்திடம் சரணடைந்த தமது உறவினர்களுக்கு உள்ளகப் பொறிமுறையின் ஊடாக நீதி வழங்கப்படும் என்பதில் தமக்கு நம்பிக்கை இல்லை என தொடர் போராட்டத்தில் ஈடுபட்டு வரும் வலிந்து காணாமல் ஆக்கப்பட்டவர்களின் உறவினர்கள் தெரிவித்துள்ளனர்.

இஸ்ரேலிய தாக்குதலால் அநாததையாகியுள்ள பலஸ்தீன காஸா பகுதியில் உள்ள குழந்தைகளின் நலனுக்காகப் பொதுமக்களின் பணத்தை சேகரிக்கும் ஜனாதிபதி, இலங்கையில் போரினால் பாதிக்கப்பட்ட குழந்தைகளை புறக்கணிப்பதாகவும் தமிழ் தாய்மார்கள் விமர்சித்துள்ளனர்.

யுத்தத்தில் பாதிக்கப்பட்ட மக்களுக்கு நீதி வழங்குவதற்கு அல்ல குற்றங்களை புரிந்த அரச படைகளை பாதுகாக்கும் உள்ளகப் பொறிமுறையை அரசாங்கம் முன்வைத்து வருவதாக வலிந்து காணாமல் ஆக்கப்பட்டவர்களின் உறவினர்கள் சங்கத்தின் மன்னார் மாவட்ட தவிசாளர் மனுவேல் உதயசந்திர சுட்டிக்காட்டியுள்ளார்.

தொடர் போராட்டம்

பலவந்தமாக காணாமல் ஆக்கப்பட்ட தமது அன்புக்குரியவர்களுக்கு நீதி கோரி வன்னியில் 2017ஆம் ஆண்டு பெப்ரவரி 20ஆம் திகதி தொடர் போராட்டம் ஆரம்பிக்கப்பட்டு 2657 நாட்கள் கடந்த நிலையில் 2024ஆம் ஆண்டு மே மாதம் 30ஆம் திகதி மன்னார் நகரில் ஆரம்பிக்கப்பட்ட போராட்டத்தில் மனுவேல் உதயச்சந்திர கலந்துகொண்டு கருத்து தெரிவித்திருந்தார்.

மேலும் கருத்து தெரிவித்த அவர்,

‘சரணடைந்த அன்புக்குரியவர்களின் தலைவிதியை வெளிப்படுத்துவதற்காக அரசாங்கப் பாதுகாப்புப் படையினருக்கு எதிராக ஏழு வருடங்களாக முடிவில்லாத போராட்டத்தில் ஈடுபட்டுள்ளனர்.

வலியைச் சுமக்கும் தாய்மார்களுக்காகவும், காணாமல் போன உறவினர்களுக்காகவும், எங்கள் வீட்டிற்கு வந்து பிடித்துச் சென்றவர்களுக்காகவும், விளையாடிக் கொண்டிருக்கும் போது அழைத்துச் சென்ற குழந்தைகளுக்காகவும், நாங்கள் கொடுத்த குழந்தைகளுக்காகவும் நாங்கள் போராட்டம் நடத்துகிறோம். இறந்த குழந்தைகளுக்காக அல்ல.

நீதி வேண்டும்

பல வருடங்களாக பலவந்தமாக காணாமல் ஆக்கப்பட்ட தமது சிறு பிள்ளைகளின் புகைப்படங்களை ஏந்தியவாறு கிளிநொச்சி ஆனந்த புரத்தில் உள்ள தமிழ் தாய்மார்கள் அலுவலகத்திற்கு முன்பாக முன்னெடுத்த போராட்டத்திற்கு வடக்கு கிழக்கு வலிந்து காணாமல் ஆக்கப்பட்ட உறவினர்கள் சங்கத்தின் தலைவி யோகராசா கலாரஞ்சனி தலைமை தாங்கினார்.

நீதி கிடைக்க வேண்டும் என்பதற்காக ஆரம்பிக்கப்பட்ட தூய போராட்டத்தை அழிக்க சில வெளிநாட்டு அமைப்புகளின் முயற்சிகளுக்கு முன் பின்வாங்கப் போவதில்லை என்றும் வெற்றி வரை நடைபயணம் மேற்கொள்வதாகவும் அவர் அங்கு தெரிவித்தார்.

பல அமைப்புக்களும், புலம்பெயர் தேசத்தின் சில உறவினர்களும் இந்தப் போராட்டங்களைப் பலவீனப்படுத்தவும், தூய போராட்டத்தை பல்வேறு வழிகளில் அழிக்கவும் முயற்சிக்கின்றனர்.

எங்கள் மேல் பரிதாபம் இல்லையா?

எங்களின் உறவினர்கள் எங்களிடம் வரும் வரை, எங்களுக்கு நீதி கிடைக்கும் வரை, துயரத்தில் உள்ள தாய்மார்களாகிய நாங்கள் வீதியில் இறங்கிப் போராடி எமக்கான நீதியைப் பெற்றுத் தருவோம் என அறிவிக்கின்றோம்.

யுத்தம் முடிவடைந்த போது எமது நாட்டின் பிள்ளைகள் ஒப்படைக்கப்பட்டனர். அதேபோல, போரில் எத்தனை தமிழ் குழந்தைகள் கொல்லப்பட்டிருக்கிறார்கள்? தாய் இறந்தபோது பாலூட்டப்பட்ட எத்தனை குழந்தைகள் ஊனமுற்றுள்ளனர், மேலும் நாட்டில் எத்தனை குழந்தைகள் பெற்றோர் இல்லாமல் வாழ்கிறார்கள்? அப்போது இந்த பரிதாபம் வரவில்லையா?

நாட்டில் அவர்கள் நடத்திய போரில் பாதிக்கப்பட்டவர்களை அவரது கண்கள் காணவில்லை. காசாவில் போரினால் உயிரிழந்த குழந்தைகளுக்காக இந்நாட்டின் ஜனாதிபதி சிறுவர் நிதியத்தை நிறுவுகிறார் என்றால் அதில் அரசியல் நிகழ்ச்சி நிரல் இருப்பது தெளிவாகத் தெரிகிறது.” எனத் தெரிவித்தார்.

காசா சிறுவர்களுக்கான நிதியம்

2024ஆம் ஆண்டு மார்ச் மாதம் 4ஆம் திகதி ஜனாதிபதி ரணில் விக்கிரமசிங்கவினால் ஆரம்பிக்கப்பட்ட காசா சிறுவர் நிதியத்திற்கு இலங்கை நன்கொடையாளர்கள் மற்றும் பல்வேறு அமைப்புக்கள் 127 மில்லியன் ரூபாவை நன்கொடையாக வழங்கியுள்ளதுடன், ஜனாதிபதி மற்றும் ஜனாதிபதி அலுவலகம் அதற்காக கடந்த மே மாதம் 28ஆம் திகதி நன்றி வெளியிட்டிருந்தது.