சஜித்திடம் தாவிய அர்ஜுன

ஸ்ரீலங்கா பொதுஜன பெரமுனவின் மொனராகலை மாவட்ட பாராளுமன்ற உறுப்பினர் கயாஷான் நவநந்தன ஜனாதிபதி ரணில் விக்கிரமசிங்கவுக்கு தனது ஆதரவை தெரிவித்துள்ளார்.

ஐக்கிய தேசியக் கட்சியின் மேதினக் கூட்டத்தில் கலந்துகொண்டு அவர் ஜனாதிபதிக்கான தனது ஆதரவை தெரிவித்துள்ளார்.

கொழும்பு மாளிகாவத்தையில் ஐக்கிய தேசியக் கட்சியின் மேதினக் கூட்டம் நடைபெற்ற நிலையில், அதற்கு வெள்ளவாயில் இருந்து பாராளுமன்ற உறுப்பினர் கயாஷான் நவநந்தன தனது ஆதரவாளர்களுடன் வந்துள்ளார்.

தனது கட்சியான பொதுஜன பெரமுனவில் கூட்டம் பொரளை கெம்பல் மைதானத்தில் நடைபெற்ற போதும், அதில் கலந்துகொள்ளாது அவர் ஐக்கிய தேசியக் கட்சியின் கூட்டத்தில் கலந்துகொண்டுள்ளமை அவரின் ஜனாதிபதிக்கான ஆதரவு உறுதிப்படுத்தப்பட்டுள்ளது.

இதேவேளை அண்மையில் அமைச்சுப் பதவியில் இருந்து விலகி பாராளுமன்ற உறுப்பினர் ரொஷான் ரணசிங்க அமைத்த ஒழிப்பு குழுவில் இணைந்துகொண்ட முன்னாள் பாராளுமன்ற உறுப்பினர் அர்ஜுன ரணதுங்க ஐக்கிய மக்கள் சக்தியுடன் இணைந்துகொண்டுள்ளார். தலவாக்கலையில் நேற்று நடைபெற்ற தொழிலாளர் தேசிய சங்கத்தின் கூட்டத்தில் சஜித் பிரேமதாச கலந்துகொண்டிருந்த நிலையில் அர்ஜுன ரணதுங்கவும் அந்தக் கூட்டத்தில் கலந்துகொண்டிருந்தார்.