“ரணில்,சஜித், அனுரவின் கொள்கை ஒன்றே“: ஐக்கிய மக்கள் கூட்டணி உருவாக்கலாம்

ஐக்கிய தேசியக் கட்சி, ஐக்கிய மக்கள் சக்தி மற்றும் தேசிய மக்கள் சக்தியை ஆகிய மூன்று கட்சிகளையும் ஒன்றிணைத்து ஐக்கிய மக்கள் கூட்டணி என்ற கட்சியை உருவாக்கி அதிலிருந்து வேட்பாளர் ஒருவரை முன்நிறுத்த வேண்டும் என நாடாளுமன்ற உறுப்பினர் உதயகம்மன் பில தெரிவித்துள்ளார்.

கொழும்பில் ஊடகங்களுக்கு கருத்து தெரிவிக்கும் போதே அவர் இதனை தெரிவித்தார்.

மேலும் கருத்து தெரிவித்த அவர்,

ஐக்கிய தேசியக் கட்சியின் வேட்பாளராக ஜனாதிபதி ரணில் விக்ரமசிங்கவும் தேசிய மக்கள் சக்தியின் ஜனாதிபதி வேட்பாளராக அனுரகுமார திசாநாயக்கவும் ஐக்கிய மக்கள் சக்தியின் ஜனாதிபதி வேட்பாளராக சஜித் பிரேமதாசவும் போட்டியிடவுள்ளனர்.

எனவே,மூன்று கட்சிகளின் பெயர்களின் பகுதிகளை இணைத்து ஐக்கிய ஐக்கியப் படை என்ற கட்சியை உருவாக்கி அதிலிருந்து ஒரு வேட்பாளரை முன்நிறுத்த வேண்டும்.

மூவருக்கும் ஒரே கொள்கை இருப்பதால் தான் அவ்வாறு கூறுகிறேன்” என அவர் கூறியுள்ளார்.