வளர்ப்பு நாய்க்கு ₹2.5 இலட்சத்தில் தங்கச் சங்கிலி பரிசளித்த பெண்!

மும்பையைச் சேர்ந்த பெண் ஒருவர் தனது வளர்ப்பு நாய்க்கு ரூ.2.5 இலட்சம் (இந்திய நாணய ) மதிப்பிலான தங்கச் சங்கிலியை பரிசாக அளித்துள்ளார். இந்த வீடியோ தற்போது சமூக வலைதளங்களில் வைரலாகியுள்ளது.

சரிதா சல்தான்ஹா என்ற அந்தப் பெண் தனது செல்லப்பிராணி நாயான டைகரின் பிறந்தநாளை கொண்டாடும் விதமாக தங்கச் சங்கிலி வாங்கியுள்ளார்.

ஜூவல்லர்ஸ் நகைக்கடைக்கு சென்ற அந்த பெண் ரூ.2.5 லட்சத்துக்கு தங்க சங்கிலியை வாங்கி தனது நாயின் கழுத்தில் அணிவித்துள்ளார். இதனை பார்த்த கடை ஊழியர்கள் அனைவரும் அதிர்ச்சியில் ஆழ்ந்தனர்.

இதுதொடர்பான வீடியோவை இன்ஸ்டாகிரமில் பதிவிட்ட ஜூவல்லர்ஸ் நிறுவனம் கூறுகையில், ‘‘எங்களது வாடிக்கையாளர் சரிதா சல்தான்ஹா தனது செல்லக்குட்டி டைகரின் பிறந்த நாளுக்காக டிசைன் டிசைனாக தேடிப்பார்த்து பரிசை தேர்வு செய்தார். ரூ.2.5 லட்சம் மதிப்புள்ள தங்க சங்கிலியை தேர்வு செய்த அவர் டைகரின் கழுத்தில் மாட்டி அழகுபார்த்தார் என்று பதிவிட்டிருந்தனர்.