இந்தியாவில் ஒரே நாளில் 3,824 பேருக்கு கொரோனா!

இந்தியாவில் கொரோனா தொற்றால் புதிதாக 3,824 பேர் பாதிக்கப்பட்டுள்ளதாக மத்திய சுகாதாரத்துறை இன்று காலை வெளியிட்ட அறிக்கையில் கூறியுள்ளது.

கடந்த 30ஆம் திகதி பாதிப்பு 3,016 ஆக இருந்தது. மறுநாள் 3,094 ஆக உயர்ந்தது. நேற்று 2,995 ஆக குறைந்த நிலையில் இன்று ஒரே நாளில் 27 சதவீதம் உயர்ந்துள்ளது.

கடந்த செப்டம்பர் 30ஆம் திகதி நிலவரப்படி பாதிப்பு 3,947 ஆக இருந்தது. அதன் பிறகு 6 மாதங்களில் இல்லாத அளவில் தினசரி பாதிப்பு நேற்று உயர்ந்துள்ளது. நேற்று அதிகபட்சமாக கேரளாவில் 884 பேர், மகாராஷ்டிராவில் 669, ,டெல்லியில் 416 , குஜராத்தில் 372, இமாச்சலத்தில் 354, கர்நாடகாவில் 247, அரியானாவில் 142, உத்தரபிரதேசத்தில் 113, கோவாவில் 117, தமிழகத்தில் 156 பேரும் பாதிப்படைந்துள்ளனர்.

இதுவரை பாதிக்கப்பட்வர்களின் மொத்த எண்ணிக்கை 4 கோடியே 47 லட்சத்து 22 ஆயிரத்து 605 ஆக உயர்ந்துள்ளது. தொற்று பாதிப்பில் இருந்த நேற்று 1,784 பேர் உள்பட மொத்தம் 4 கோடியே 41 லட்சத்து 73 ஆயிரத்து 335 பேர் மீண்டுள்ளனர்.