இந்தியாவின் கொரோனா நிலவரம்!

கொரோனா பாதிப்பு தொடர்பாக மத்திய சுகாதாரத்துறை இன்று காலை வெளியிட்டுள்ள அறிக்கையில், காலை 8 மணி வரையிலான கடந்த 24 மணி நேரத்தில் புதிதாக 1,249 பேருக்கு தொற்று உறுதி செய்யப்பட்டுள்ளதாக கூறப்பட்டுள்ளது.

கடந்த 140 நாட்களில் இல்லாத அளவில் நேற்று பாதிப்பு 1,300 ஆக உயர்ந்த நிலையில் இன்று சற்று குறைந்துள்ளது. இதுவரை பாதிக்கப்பட்டவர்களின் மொத்த எண்ணிக்கை 4 கோடியே 47 லட்சத்து 667 ஆக உயர்ந்துள்ளது. தொற்று பாதிப்பில் இருந்து நேற்று 925 பேர் உட்பட இதுவரை 4 கோடியே 41 லட்சத்து 61 ஆயிரத்து 922 பேர் குணமடைந்துள்ளனர்.

தற்போது மருத்துவமனைகளில் 7,927 பேர் சிகிச்சை பெற்று வருகிறார்கள். இது நேற்றைவிட 322 அதிகமாகும். கொரோனா பாதிப்பால் நேற்று கர்நாடகா, குஜராத்தில் தலா ஒருவர் இறந்துள்ளனர். மொத்த பலி எண்ணிக்கை 5,30,818 ஆக உயர்ந்துள்ளது.